وزير الهبل الإجتماعي الدكتور ملمع إسبادريني تفقد سجن رومية: “ملف الرعاية الصحية فيه مأساوي”، ونقيب السجناء المتسكعين يرد: “بلا مزح!”

السفير الايطالي: نؤمن بالحوار بين السباغتي بولونيز والباستا بالصلصة البيضاء لتعزيز الاستقرار.

رئيس الاتحاد العمالي العام: زيادة الضريبة على القيمة المضافة لن تمر ابدا، إلا إذا تأمنت الرشاوى اللازمة لتمريرها.

مصادر مطلعة أكدت أن الفراغ في وزارة العمل الناتج عن إستقالة الوزير سيتم سده بفلينة.

خروج مسيرات في الداونتاون تضامناً مع الشعب الشقيق في جمهورية البرازق العربية، ومطالبة لإرساء نظام ديمقراطي جديد يحترم حقوق الإنسان ويضمن حرية ألإختيار بين قهوة “الدانكن” وقهوة “الستاربكس” لجميع أبناء الوطن دون تمييز.

أبو أندريه: دقة المرحلة تتطلب تخفيف الطحينة في سندويش الفلافل وزيادة كبيس اللفت، لما فيه مصلحة البلد.

بس لنكون واضحين، ما فيك تكون الإثنين.

يعني يا أبيض، يا أسود.

يا حمار، يا زكي.

يا بارد، يا ساخن.

يا هبيلي، يا عبقري.

يا نهار يا ليل.

يا مر، يا حلو.

يا معتكف، يا شغال.

يا مستقيل، يا… شو بعرفني… يا مش مستقيل.

وهيدي بدعة “النائي بالنفس”… هيدي كلها السياسة شو بسموها؟

يمكن أفضل شي نسميها سياسة أل-”ما شي”.

وشو بالنهاية؟  بالنهاية يا “شي”، يا “ما شي”.

ومرات أل-”ما شي” بيضل أفضل بكتير من “الشي”، وخاصة إذا هل “شي” كان بلا طعمة.

إنو شو ممكن تسموها غير هيك، إيه خالو؟