تعليقاً على موضوع إكتشاف مخزن الأسلحة والذخائر والمتفجرات في منطقة الجعيتاوي في الأشرفية، والضجة الإعلامية التي اثيرت حول “الحدث” وعلامات “التعجب” و”الإستغراب” التي طبعت وجوه الإعلاميين والطبقة السياسية التي علقت على الموضوع حتى الساعة، يهم أسرة وكالة الأنباء الرسمية توضيح التالي:
أولاً، البلد كله مخزن سلاح وبكميات أسطورية وكافية لبدء حربين عالميتين على الأقل. فرجاءً إرخولنا اياها وبلا “تعجب وإستغراب” لأنه ما في شي غريب. يعني يلي عم يستغرب بالموضوع تماماً مثل يلي بيشتغل بتنظيف المجارير، بس بينزعج من ريحة الخرى حشى السامعين.
ثانياً، تبين أن بعض الذخائر مكتوب عليها بالعبرية، ونقول في هذا الموضوع “مش كارثة”. فإذا بحثنا فعلاً في باقي مخازن السلاح المكتشفة والغير مكتشفة، فسنجد ذخائر عليها اللغات الإيرانية والإنكليزية والفرنسية والروسية والعربية… فنحن نعتبر أن هذه الظاهرة تقع ضمن التنوع اللغوي الذي يغني البلد ثقافياً ويثبته كذخر عالمي لحوار الحضارات. شو نسينا أنه الوطن الرسالة؟
ثالثاً، إن السؤال الذي طرحته وسائل الإعلام حول الهدف من وجود هذا المخزن، يوصف بأفضل الأحوال بالسؤال الغبي. يعني لشو معقول يكونوا ضابينهم خالو؟ شو معقول يكون السبب؟ إنو فرقيع لعيد السيدة، ولا فتيش لعيد الرب؟ وعلى فكرة، نحنا كيف بعدنا منعيد عيد الرب، وما النا رب أصلاً؟!
Photo via New TV
April 27th, 2012 at 2:56 am
I rated-1by mistake :S
April 27th, 2012 at 2:57 am
and only one star by mistake! damn it! speaking about trying to make things better and end up by making it worst!
April 27th, 2012 at 3:52 am
خيي انت بتفشلي خلقي عندك اسلوب اخو محلوشة لازم تجند طاقاتك لشغل انت والرحباني لازم تبلش بشي برنامج اذاعي
فكر بالموضوع على اليوتيوب يا اخ
شو قليلة اليوتيوب هالايام
بس انتبه يحبسوك
April 28th, 2012 at 11:52 am
بس حابب قول إنو مش طايق حالي ولا طايق هالحالة
على كل حال، في حال بين شي حل معكن
بكون ممنونكن.
وفي حل بيهمكن رأيي زوروني على http://www.innoleh.com و في حل ما بيهمكن، كمان زوروني ما رح تخسروا شي
إذا خسرتو شي الله بيعوض
إنو ليه لأ!؟
May 9th, 2012 at 2:54 pm
يعيش تخزين السلاح واستعماله… ابتهاجاً وغير ذلك!