بعد تقديم وزير العمل استقالته البارحة، تتجه الأنظار إلى المرشحين لتبوؤ هذا المنصب الحساس. وإنطلاقاً من حسنا العالي بالمسؤولية، أخذنا على عاتقنا طرح أسماء بديلة لترأس وزارة العمل، علها أن تسهم مبادرتنا هذه في إيجاد مخرج لهذه المشكلة بأسرع وقتٍ ممكن. وقد راعينا بطرحنا أدناه مزاج هذه الحكومة وانتقينا مرشحين وما يتناسب مع “شخصيتها”.
مرشحنا الأول – الساحر ميكي: أثبت الساحر ميكي عن جدارته في فك المعضلات وإيجاد الحلول في المراحل الصعبة التي مرت بها البلد. فبسحر ساحر، يخفي كل الأمور “يلي طالعة ريحتها” بالبلد، مثل ملف شهود الزور وال-١١ مليار المختفية وتهريب المازوت المدعوم وغيرها من المواضيع “الحساسة”، فتسحب من التداول الإعلامي بشكلٍ نهائي. نعتقد أنه سيقوم بعمل رائع في هذه الحكومة إذ هي بحاجة إلى ساحر يخرج الأرانب والحمام من قبعته بكبسة زر.
مرشحنا الثاني – خيال صحراء: لا بهش ولا بنش، يقف مع الحائط الواقف، وينام مع الحائط النائم. لا طعم له ولا لون. برأينا، خيال الصحراء هو تماماً ما تحتاج إليه هذه الحكومة، لأنه على شكلو شكشكلو.
مرشحنا الثالث – الفلينة: انها الحل الميثالي لمعالجة كل المشاكل في البلد. فعجز الموازنة سديناه بفلينة، وسدينا الهدر في الإدارات العامة والوزارات بفلينة أيضاً. كما وأنه من حسنات الفلينة أنها تسد البوز خاصة “بس يصير الحكي بلا طعمة”… يعني ثلاثة بواحد. مش “ياس” ثلاث بواحد! هذه الثلاثة بواحد الأصلية!
مرشحنا الرابع – الحيط: ميزات الحيط أنك لا تستطيع أن تهينه لأنه لا كرامة له… طبعاً لأنه حيط، وذلك بعكس الوزير المستقيل. ومن ميزات الحيط أيضاً أن الحكومة كلها “فيها تفوت فيه” ولن يشعر أحد بشيء. شو هو في أحلى من فوتة الحيط اليومية، وخاصة إذا كانت هذه “الفوتة” قد أصبحت من الهويات المفضلة في البلد! والله بيعمل ملايين إذا دفعولو دولار علفوتة!
من هو مرشحكم لتولي المسؤولية بعد إستقالة الوزير؟ اتركوا أسماء مرشحيكم في خانة التعليقات أدناه، وبون شانص!
المقال من ترشح لتولي وزارة العمل؟ من جمهورية الحمص, هو المرخص لها بموجب المشاع الإبداعي نسب - غير تجاري - لا اشتقاق 3.0 الاصلية الترخيص, بناء على العمل الذي Creative Commons Attribution-NonCommercial-NoDerivs 3.0 Unported License. الاذونات الخارجة عن نطاق هذا الترخيص قد تكون متاحة في www.hummusnation.net.
February 22nd, 2012 at 4:20 am
للصراحة ما بليقي بحاجة يحطو وزير عمل. انو البلد ما فيها ولا عمل ولا اعمال بفضل يغيرو اسما لوزارة الاعمال الشاقة او وزارة التهجير والتعتير اكيد حيلاقو مرشحين اكتر..
February 22nd, 2012 at 4:20 am
أنا برشّح الحيط لأنو “سكسي”
February 22nd, 2012 at 5:16 am
I vote also for the wall because he is “mahdoum”
February 22nd, 2012 at 6:31 am
Ell Falineh este3melah aktar ya jama3a bass ell wall akbar will arnab sari3 lllloooooooooooool
February 22nd, 2012 at 6:32 am
khyel l sa7ra! l2n b7essou 2ader ma y3mol shi bl balad, wala yfid 7dn, ..y3ni 3ndou kel moutatalabet l 3amal!
February 22nd, 2012 at 9:41 am
إنو إذا عملنا دراسة وتقييم للمرشحين بيطلع معنا:
1- الساحر ميكي مع احترامنا لقدراتو بس عشو بدو يلحق لمعتر، ما منخلص من خازوق بيطلعنا غيرو. يعني من الآخر حيتبهدل…. خلي بكرامتو وبلا هالشرشحة….
2- الفلينة: هلأ هي بتزبط… إنو منيحا بس أدي بدك فلين ولا لو بتحطلون الفلينة مع قنينة نبيد بضهرا ما بيمشي لحال… وبد تعوز كل الفلين لي موجود عال 10452… يعني كسرة للخزينة…وشو نحنا ناقصنا ديون…..
3-الحيط:كتير لذيذ ونايس وكووول… يعني من أجمل الاقتراحات…بس إذا الموضوع كرامة وما فيك تهينلوا كرامتو للحيط…ليش لي موجودين شو؟ أحفاد غاندي وغيفارا…يعني منكون عم منكتر حيطان….
4-بيبقى خيال الصحراء: صراحة بفضلوا عن الباقيين …. في ألذ من حدا ما يحكي … ما نحنا بدنا خبرية بالناقص…
February 22nd, 2012 at 11:45 am
انو اكيد خيال صحرا
شو احسن من ال 29 يلي ناطرينو؟