انشغلت وكالات الأنباء في اليومين الماضيين بأخبار مفادها أن أحداث عنف ذات طابع طائفي بدأت تظهر في بعض الدول المحيطة التي شهدت، وما زالت تشهد انتفاضات شعبية. بناءً عليه، وكون لجمهورية الحمص خبرة واسعة في مجال الطائفية، نقدم لإخواننا الملتحقين جديداً بقافلة “الحرية” شرحاً سريعاً لهذه الظاهرة:
مع بروز الطائفية في مجتمعاتكم، ستتعلمون مفردات جديدة سيرددها عليكم السياسيون في كل مناسبة، وفي كل إفتتاح وتدشين وعزاء وحفل قران ونجاح في إمتحانات البروفيه. ومن هذه المفردات: ناقوس الخطر، شفير الهاوية، المفترق الخطر وبر الأمان. كلها صور نثرية رائعة تلخص واقع واحد مرير، وهو بالعربي المشبرح: “إنقرطنا يا بديع!”. نصيحة من شعب أدمن على هذه العبارات نقول: أول شخصية سياسية تنطق بأي من هذه المفردات يجب أن تعدم في مكان عام فوراً عبر القص على مكنة قص الجانبون، ليكن عبرة لمن إعتبر.
مع بروز الطائفية في مجتمعاتكم، ستبرز قنوات تليفزيونية تعمل ليلاً نهاراً لغسل ادمغتكم. كلها ستتدعي أنها محايدة وإذا انحازت (كما ستقول)، فهي ستنحاز فقط لقول الحقيقة. إيه عن جد! يعني والله، كلها سترشح زيتاً من كثرة القداسة والطهارة… والله! نصيحة من شعب تم غسل دماغه حوالي الألف مرة منذ إندلاع “الأحداث” (نعم، ما زالوا يسمونها “أحداث” وكأنها كانت سفقة هواء) سنة ١٩٧٥ نقول: ارموا إجهزة التلفزيون من على الشرفات، وألغوا إشتراكات الصحف وانزعوا المسجلات من السيارات فوراً حتى لا تتدهور قواتكم العقلية من التسميم المتواصل التي تبثها وسائل الإعلام. وإذا تعرض أحدكم للهراء التي تبثه هذه المحطات، فيجب أن يعالج بإبرة كزاز صبحاً ظهراً ومساءً لمدة عشر سنوات، أو حتى تختفي أثار التسطيل العقلي الذي سيصاب به.
مع بروز الطائفية في مجتمعاتكم، ستظهر أيضاً قوانين غريبة عجيبة. مثلاً، إذا لم تكن من الطائفة الفولانية، لن تستطيع أن تتبوأ منصب معين في الدولة. فتحت شعارات رنانة تدعي الحفاظ على الطائفة ومكتسباتها وغيرو، ستعمل الطبقة السياسية فعلياً على تقوية طائفتين لا ثالث لهما: طائفة الأغنياء، وطائفة الفقراء. نصيحتنا لكم أن تعدموا أول شخصية سياسية تدعي الحفاظ على الطائفة والدفاع عنها، تعدموها عبر رميها بالكتب المقدسة التي تدعي الدفاع عنها وعن اتباعها.
ألف مبروك خالو، وأهلاً وسهلاً بكم إلى النادي، وللحديث صلة.
المقال أهلاً وسهلاً بكم إلى النادي من جمهورية الحمص, هو المرخص لها بموجب المشاع الإبداعي نسب - غير تجاري - لا اشتقاق 3.0 الاصلية الترخيص, بناء على العمل الذي Creative Commons Attribution-NonCommercial-NoDerivs 3.0 Unported License. الاذونات الخارجة عن نطاق هذا الترخيص قد تكون متاحة في www.hummusnation.net.
May 12th, 2011 at 5:00 am
“إنقرطنا يا بديع!”.
May 12th, 2011 at 7:19 am
بعرف أنو الكومنت مو للنشر بس بدي قلكون أنو حاج تاكلوا خرا وتركوا الدولة تشوف شغلها ، ومنيح أنو ما حدا عم برد عليكون يا وسخات ، قاعدين عم تحموا القصة بدال ما تهدوا الوضع ، تفه على شرفكون ، نحن بدنا عالم تستقر وتعيش وترجع متل أول وأمان واستقرار وأنتوا عم تولعوا بالحدث ، ولأ والأكلب من هيك أنكون عم تكذبوا الأخبار والشي اللي عم بصير
بس أقلك شي خليكون عم تعوو متل الكلاب لأنو غير هيك مارح يطلعلكون
May 12th, 2011 at 8:19 am
صراحة كان الفلم مرسوم على الشكل التالي:
لبننة العراق
عرقنة سوريا
سرينة السعودية
سعدنة البحرين
بحرنة قطر
قطرنة مصر
مصرنة الكويت
كوتنة لبنان
بالعربي المشبرح فلسطنة الشرق الأوسط…. والله بدنا نروح على فلسطين كلنا ما تجيبولنا الحالة يلي عايشينا الفلسطينية لعنا
و دمتم لنا زخراً
شو بعد ما خلصت بدي رد على المدعو “كول خرا” يلي علق قبلي و من السبعة الصبح يعني على الريق. بحب قلوا إنو نحنا تاركين الدولة … و تاركين البلد كمان.. يعني يشوفوا شغلون و بعدين منحطلون علامة …. نحنا منحط علامة غيرنا بحط عبوة…. كول خرا بلا هيك تعليقات على الريق
May 12th, 2011 at 12:10 pm
مستر كول هوى لو بتكل خرى و باش تحكي هيك إ دام حدا لأنو بيفكر إنو عنا دولة أو شعب بيفهم هي الدولة اشتغلت و حدا ألا شي دخلك أيمتين اخر مرة شفت آمن و إستقرار غير بالأحلام؟ حاج تكب فهم و حكي مألعط متل حكايتك الله يكبرك
May 12th, 2011 at 1:51 pm
عزيزي كول هوى: طبعاً إنت مضايق بعتقد الأسباب واضحة،يمكن الأسم بأثّر على النفسية….على كلٍّ نصيحة من أخ لأخ رخيها و كول هوى،عرفت كيف؟ و المشكل بالوضع اللبناني إلو علاقة بالطقس هوّي الطقس ما عم يثبت….شد معنا طلوع
May 12th, 2011 at 2:06 pm
عزيزي “كول هوا” ، كول خرى!
وسدّو واستريح…
May 12th, 2011 at 2:21 pm
بأي مكنة قص الجانبون تنصحون
هناك مكنات إيطالية و ألمانية و و
أي منها هي الأسرع في القص ؟ و أوفر مردوداّ نسبة إلى عدد السياسيين الطائفيين ؟
شكراّ لتأمين خدمة الزبون
سلام
May 12th, 2011 at 6:02 pm
حزورة اليوم
شارك و إربح جهاز نوكيل 5895666XXXDLWWDFF
أنظر أولا إلى هذه الصورة …
http://annahar.com/media/high_res/caricature/Thu/p28-Armand-24386.jpg
من ثم جاوب على السؤال :
إذا على ظهر مواطن واحد و ركبو أربعة وزراء فكم وزير سيركب على ظهر أربعة ملايين لبناني ؟
إلع معنا و إربح
يلله
May 12th, 2011 at 6:03 pm
عفوا
الوصلة هي
http://annahar.com/media/high_res/caricature/Thu/p28-Armand-24385.jpg
May 18th, 2011 at 7:20 pm
أنا بس بدي إفهم ليش في ناس بتحس إنو إذا ما وسخت حكي و قللت فهم ما بتوصل فكرتها , يعنه صديقه “كول هوا” ما بتوصل فكرتك إذا ما وزعت قلة فهم عالعالم كلو ? زيد إنو إذا مش عاجبك الحكي منك مجبور تقرا الحمدلله النت في من كل الاراء و السوق ماشي!! وطبعاً ما في ضرورة نكذب على بعض نقول إنو كل شي ماشي لأن أية فطن بيشوف إنو ما في شي ماشي ولا في شي لح يمشي إذا مندلنا ماشيين بذات الممشا…
May 20th, 2011 at 7:26 am
الي ما فهمتو ليش عصبت “كول هوى” ؟ شو الي قريتو خلاك تعصب؟ هيدي الحقيقة الي نحن عايشينها بالبلد. البلد مقسم طائفيا والوظايف موزعة حسب الطوائف حتى ولو كان الواحد اهبل وغبي بيجيبوه ع الوظيفة لانو من الطائفة الفلانية او المذاهب الفلاني. يعني مش عم يختارو الفطاحل الي بالطوائف عم يختارو الاغبى بالطوائف.
نصيحة الكلام الي ما بيعجبك ما تقرا هيدا الشي الحلو بالانترنت…