وصلنا من “وزارة الخارجية والمغتربين المشحرين والمشتتين في كل أنحاء العالم” البيان التالي:
“يتقدم سعادة سفير جمهورية الحمص في المملكة المتحدة من المواطنين عموماً والعائلة الملكية خصوصاً، بأحر التهاني بمناسبة حفل زفاف الأمير ويليام والآنسة كايت. ويتقدم بدعوة الجالية لحضور حفل الزفاف في كاتدرائية “وست منستر آبي” لطائفة الموحدين الكلدان الأرثودكس يوم الجمعة عند تمام الساعة الواحدة والنصف، على أن يلي حفل الزفاف تقبل التهاني في حسينية القديسة رفقا في وطى المصيطبة “سكوار”، خلف مطاعم البيتزا هات في العاصمة لندن.
وبناءً عليه، يطلب سعادة السفير من المدعوين التقيد بالتعليمات التالية:
يمنع منعاً باتاً إطلاق القذائف الصاروخية والأعيرة النارية إبتهاجاً قبل، أثناء وبعد حفل الزفاف.
يمنع منعاً باتاً أن يعلو صوت أحد مساطيل الجالية بعبارة “علقوا!!!” عند وضع العروسين الخواتم.
يمنع منعاً باتاً الزلغطة وإطلاق صيحات ال-”إويها” عند إنتهاء حفل الزفاف، كما ويمنع تحت أية ذريعة كانت، توقيف مراسم الزفاف لإلقاء كلمة شعر بربع ليرة.
يمنع منعاً باتاً مفاجأة العروسين بفرقة زفة تدخل دابكة على ألحان “الغالي بيرخص كرمالا” أو ألحان “مقصر التنورة” أو أي لحن آخر.
يمنع منعاً باتاً إهداء العروسين صواني فضة وذلك تحت طائلة الصفع المتواصل بالصواني نفسها.
وفي الختام، يتمنى سعادة السفير طول العمر للعروسين وعقبال العايزين.
ملاحظة أخيرة: نسي سعادة السفير صينية كبة وطنجرة برستو تحتوي على طبخة ملوخية عائمة بالكراعين (شغل الماما) في قاعة الإنتظار في مطار بيروت أثناء مغادرته أمس، فيرجى من أي مسافر متوجه إلى المملكة المتحدة أن ينقلها معه ويوصلها إلى مبنى السفارة… يعني إذا ما في ثقلة وبالأملية، وشكراً.”
إنتهى البيان.
المقال عقبال العايزين من جمهورية الحمص, هو المرخص لها بموجب المشاع الإبداعي نسب - غير تجاري - لا اشتقاق 3.0 الاصلية الترخيص, بناء على العمل الذي Creative Commons Attribution-NonCommercial-NoDerivs 3.0 Unported License. الاذونات الخارجة عن نطاق هذا الترخيص قد تكون متاحة في www.hummusnation.net.
April 29th, 2011 at 12:09 am
HAHAHAHAHAHAHA!!
April 29th, 2011 at 5:33 am
يمنع منعاً باتاً إهداء العروسين صواني فضة وذلك تحت طائلة الصفع المتواصل بالصواني نفسها.llllllllllllllloooooooooooooooooooooollllllllllllll
April 29th, 2011 at 6:28 am
ok mahdoumi bas ley 7seyniyit l edise raf2a weyn l nekte fiya
April 29th, 2011 at 8:38 am
ما في نكتة. هيدا شي اسمو خليط الأديان هون بجمهورية الحمص. يعني بيصير بدين واحد يجمع كذا دين. ولا ما بدكن تنجمعو يا اخوات ال…؟!
April 29th, 2011 at 11:15 am
نسي سعادة السفير صينية كبة وطنجرة برستو تحتوي على طبخة ملوخية عائمة بالكراعين (شغل الماما) في قاعة الإنتظار في مطار بيروت أثناء مغادرته أمس، فيرجى من أي مسافر متوجه إلى المملكة المتحدة أن ينقلها معه ويوصلها إلى مبنى السفارة… يعني إذا ما في ثقلة وبالأملية، وشكراً.” LOOOOOOOL
April 29th, 2011 at 1:14 pm
عبّاس و فهد، بما انكن ذكّرتونا بمسرحيّة لزياد الرحباني، بحب ذكّركن بقانون اقرّو زياد الرحباني بمسرحية بخصوص الكرامة و الشعب العنيد، انو الطائفية الظاهرة ممنوعة، تحت طائلة الضرب بصواني الفضّة تبع المستر حمّص
April 29th, 2011 at 5:08 pm
هلق صح وليام مش هالشب الامر بس ما قدرت ما احسدها لكايت مش على وليام بس عال رويال ودينغ حسيت انو هي بيلبقلها تكون ساندريلا وانا لا ….بدي روح ع لندن بلكي بتفركش في هيدا البشع التاني اللي اسمو هاري,,هلق بتجوزوا وبس يعمللي رويال ودينغ بتركوا وبرجع لهون عند حبيبي معي كم ليرة مرتبين ومنتجوز
April 30th, 2011 at 8:07 pm
هيك امي قالتلي مبارح : سمعت يا ماما قال وزير السياحة عبود عزم العروسين على لبنان ليقضوا شهر العسل عنا…
حلو كتير جاوبت امي السبعينية، قولتك شو رح يكون البروجرام يا ماما؟
7 ايام بعجقة السير…
يومان تنبيش على سيارتهم المسروقة بين بيروت والبقاع
5 ايام خطف عفوا ضيافة في البقاع، من بعد ما يلاقو السيارة
والف مبروكككككككككككككك