ضجت الأوساط الفيسبوكية والتوتيرية يوم أمس بخبر بثته أحدى محطات التلفزة المحلية مفاده أن لحن النشيد الوطني مسروق، وهو في الأساس نشيد لمملكة الكوسكوس العربية.
يهم وكالة الأنباء الرسمية – جمهورية الحمص، توضيح النقاط التالية في ما يتعلق باللحن المسروق:
١- لماذا فوجيء الجميع بهذا الخبر؟ لحن مسروق ليس نهاية العالم، وخاصة هنا. فكل شيء في البلد مسروق: الماء مسروقة والخزينة مسروقة والكهرباء مسروقة وغيرهم كثير، نرجوكم ألا تتفاجأو! انو شو يابا، هذه “الحركات” ليست من شيمنا ولا من تقاليدنا وعاداتنا. ندعو الذين يشكون في كلامنا هذا للخروج إلى الشارع، أي شارع، والنظر إلى عواميد الكهرباء وإلى غابة الكابلات الممدودة عليها للتأكد بأي جدية يأخذ المواطن عبارة “صانه ربه لمدى الأزمان”.
٢- ربما التوصيف الأدق لهذا الوضع هو “التقليد” وليس “السرقة”. فنحن استطعنا أن “نكعي” أكبر وأشهر مصممي الأحذية والملابس وجاكتات الجلد في العالم عبر مواهبنا في التقليد والتزوير. يعني تمساح ال-”لاكوست” الذي تتم خياطته على القمصان في محلة الدورة، نوعيته أفضل من الأصلي “وبيحكي حكي”. برعنا أيضاً في تقليد ماركات الشوكولا الشهيرة وتغيير اسمائها للتمويه واللائحة تطول. صدق المثل الشهير لمعبود الجماهير زياد الرحباني (أدام الله إلحاده): “ريحتها سمنة حموية بدل الزبدة، وثوم بدل المايونيز”. إنو معليش خالو، حقائب ال-”لوي فويتون” منقلدها على “الميلة”، وهو السيد “فويتون” شخصياً لا يستطيع أن “يقفرها”، أفسيكعى علينا نشيد؟!
٣- قد تكون حادثة الإكتشاف هذه مناسبة لإعادة كتابة وتلحين النشيد بما يتناسب مع الوضع الحالي للبلد بشكل أفضل. فأولاً، لدينا هنا في جمهورية الحمص خيرة الملحنين مثل هانزي زغيز وزغزوز الداموز (مع حفظ الألقاب غيباً)، وكلهم مشهود لهم بعبقريتهم الموسيقية. أما الكلمات، فمن أفضل وأحق من الأديب وجبي عياري الذي لم يكد يجف حبر ديوانه “إجلديني بأخطبوط” حتى ترجم لأكثر من ١٠٠ لغة، بينها المسماري والهيروغليفي. ومن الضروري أن يتم تحديث الكلمات؛ فمثل عبارة “شيخنـا والفتـى عنـد صـوت الوطن” يجب أن تصبح “شيخنـا والفتـى عنـد صـوت الطائفة” وغيرها من التعديلات الضرورية.
٤- سيكون من السهل تغيير النشيد لأن أغلب المواطنين لا يتذكرون ثاني وثالث مقطع، فيتم خلط “العلى” ب-”القطبين” و “الجدود” ب-”الفتن”. ففي كل مناسبة إفتتاح أو تدشين أو رعاية أو أي مشروع للنهب العام يحتاج إلى غطاء رسمي، يبدأ الحفل بإنشاد النشيد الوطني، الذي بدوره يكون على موعد مع “البهدلة”: فالبعض بتمتم الكلمات بشكل غير مفهوم، والبعض الآخر بنشز تنشيزاً تكز له الأسنان، وبعضهم يدخل في سبات عميق (والترييل واصل للركب) وبعضهم حفظ أول سطرين والباقي للشيطان. فلتكن مناسبة ليحل الشعب عن سماء رب النشيد، بركي هو بيرتاح وبريح.
المقال بداية نهاية العالم: اللحن مسروق! من جمهورية الحمص, هو المرخص لها بموجب المشاع الإبداعي نسب - غير تجاري - لا اشتقاق 3.0 الاصلية الترخيص, بناء على العمل الذي Creative Commons Attribution-NonCommercial-NoDerivs 3.0 Unported License. الاذونات الخارجة عن نطاق هذا الترخيص قد تكون متاحة في www.hummusnation.net.
April 12th, 2011 at 4:23 am
man hummus you’r a genius what is your secret? do you get drunk to write these words or what?
April 12th, 2011 at 5:09 am
eeeeeh yalla asroli menha ,,aslan just now ana 3reft eno na7na 3ana nasheed
watani , 2al nasheed watani 2al,, eh mo yekon 3ana watan bel2awal
April 12th, 2011 at 5:37 am
هيدا بالذات مش حافظينو
April 12th, 2011 at 6:11 am
You guys are just brilliant
keep it up
….I wrote about this in my blog but it’s like an english version
Cheers from texas
April 12th, 2011 at 9:21 am
يعطيكن العافية… إنو ايه ليه هالقد عاملينا قصة كبيرة، خلينا نشوف العبقرية بالقصة! أكتر من تمانين سنة وما حدا عرف! وبعدين هيدي دارجة هلأ والموضة عادة بتكرر.
أنا بقترح تسليم تلحين النشيد الجديد لقيصر وبركات، 1و2، وقيصر عندو مصداقية وما بيقبل ينزّل اسمو علحن مسروق… وهيك هيك موسم “ثورات” هلأ! يا نور عينيا منيح
وشو بخصوص الكلمات مثلا… “سهلنا والجبل منبت للرجال…”(غوغل) انو جواب للولاد اللي بيسألوا من وين بيجوا الولاد!!
والنسوان من وين بيجوا؟ من البحر؟ حوريات؟ (داروين)
بس شاطرين نوقف بحركة بديهية… منتمتم… وما منسأل… منخاف ما نكون “وطنيين” إذا سألنا
شاغلنا بالنا مسابقة “مين وطني أكتر؟”
April 12th, 2011 at 9:32 am
your shit is the best cure for my dyslexia. I just can’t stop reading!!!
April 12th, 2011 at 12:31 pm
أنا بقول إنو الرحابنة بعينُن يألفوا نشيد جديد. بيني وبينك، شي بيبكي. بس بهالبلد، ما في شي غريب. وبما إنو أقرب شي لإلك ممكن يكون تقليد، بآ ما بفتكر بتوقف عالنشيد. أنا بطالب بحماية المستهلك.
April 12th, 2011 at 1:01 pm
أسطل كبير: استغفر الله من شرب المنكور! أنا بضرب أبر على الريق.
شادي: مش عارف شو بدي قلك…
زكريا الككلكلي: طيب شو هو يلي حافظينو؟
إبراهيم: شكراً! شو عنوان البلوغ تبعك؟
زوربا: الله يعافيك!
كيندا نايس: هيدا البلوغ في منو على تحاميل. النتيجة فورية بتكون!
ريا: المستهلك بدو حماية من نفسو! هيدا موضوع راح إكتب عنو قريباً.
April 12th, 2011 at 1:34 pm
lazem el hommus nation heneh yektbo el nasheed el wataneh el jdeed le2no ma 7ada bya3ref el sa7 aktar menkom lol
from KSa CHeers
April 12th, 2011 at 3:19 pm
يلي قاهرني انو الشعب اللبناني حساس جدا وانو على السريع بتتغير اولوياتو… بعلمك بدوا يغير النظام بعلمك هو بغير وبصير بدو الكهربا وبصير بدو المحكمة، وبصير يحكي بالمحسوبيات ويحكي الفسادوبيرجع وبغيير حسب الضجة الاعلامية او حسب الزعيم فجأة بيتفاجأة وبصير من اولوياتو النشيد الوطني اللبناني اذا مسروق ولا لأ. لووووووووووووووو
بشرفكن ما في حدا يشتري مني هالجنسية اللبناني…………….
April 13th, 2011 at 8:39 am
thank God I never memorized it!
April 14th, 2011 at 7:50 am
rje3et bayyadta ya hummus
April 16th, 2011 at 12:53 pm
akalna shi 250 asas bl madrase ta 7fizna awal jimlten minno :S iza ghayaro l nashid halla2 baddi irfa3 da3we
April 23rd, 2011 at 4:04 am
أسد غاب متى ساورتنا الفتن شفلك كم أسد لكل فتنة
لحق عأسودة يعني يا مان
يللا