قبل حوالي ألسنة، إبتدع أحد السياسيين النوابغ عبارة “ما قبل وما بعد” ليحذر أعدائه السياسيين بالثبور وعظائم الأمور. وما لبثت أن انتشرت العبارة في الوسط السياسي والإعلامي مثل النار في الهشيم. ومنذ ذلك الحين ونحن نسمع العبارة على الطالع وعلى النازل، مثل “ما بعد كلام فلان لن يكون كما قبله” و “ما بعد صدور مرسوم التكليف لن يكون كما قبله”. أو مثلاً “ما بعد اقالة الحكومة ليس كما ما قبلها” والعبارة الأشهر بينها “ما بعد القرار الاتهامي لن يكون كما قبله” وغيرها من العبارات الحذقة المماثلة.
وبناءً عليه، تود أسرة وكالة الأنباء الرسمية أن تشارك في هذه الموضة الرائعة والجذابة بالتالي:
ما بعد أكل الفول المدمس ليس كما قبله.
ما بعد تدخين الصاروخ البعلبكي ليس كما قبله، وهزي يا نواعم.
ما بعد الحصول على وظيفة في إحدى ادارات الدولة ليس كما قبلها.
ما بعد شربة زيت الخروع ليس كما قبلها.
ما بعد تزوير الإنتخابات النيابية ليس كما قبلها.
ما بعد الفوتة على الحمام لن يكون كما قبلها.
شيءٌ واحد لا يتأثر بما قبل وما بعد، وهي الطبقة السياسية نفسها التي تنتج هذه المفردات. يعني ما قبلها كان فشل ذريع، وما بعدها فشل ذريع. وكأنه لم يكن هناك لا “قبل” ولا “بعد”. تماماً مثل أكل الهواء المزمن، أي ماذا بعد أكل الهواء؟ تماماً كما كان قبله. إيه برافو يا خالو… حزرتو! هواء بهواء.
المقال ما “قبل” وما “بعد” من جمهورية الحمص, هو المرخص لها بموجب المشاع الإبداعي نسب - غير تجاري - لا اشتقاق 3.0 الاصلية الترخيص, بناء على العمل الذي Creative Commons Attribution-NonCommercial-NoDerivs 3.0 Unported License. الاذونات الخارجة عن نطاق هذا الترخيص قد تكون متاحة في www.hummusnation.net.
February 3rd, 2011 at 6:54 am
آخر وحدة مستعملة من قبل الأخوة المصريين “هوّ دخول الحمام زي خروجو؟”
February 3rd, 2011 at 10:19 am
شو بشهي صحن الفول هيدا
February 3rd, 2011 at 12:56 pm
اسمي الحركي : قطرميز ( كان لحم بعجين ع ايام الحرب الاهلية .. بس بتعرف ما قبل الحرب شي و ما بعدها شيء اخر )
كيف بتوصلّي؟؟؟ !!!! ما فيك توصلي .. بعدو طريق بيتنا تراب و ناطر الانتخابات تزفتو .. ايه بدك كتيييير تصلّي تتوصلّي
وين اراضيي ؟؟؟ اشتروهن الخليجيي . ليه بعد في لبنانيي. عندن اراضي؟؟ بس القاضي راضي خلي بالك فاضي .
قطرميزك يا وطني …
النا الله ..
و قلنا الله
February 3rd, 2011 at 6:12 pm
ma abel ma ken fi kaherba w ma ba3ed kamen ma fi kherba ,ma abel ma fi anoun ser wala ter2at metel el kahle2 w ma ba3ed kamen mafi anoun ser wala ter2at metil el khale2 bass el el adrab min heik enno ma abel ken fi cha3eb le7e2oun w ma ba3ed kamen fi cha3eb le7e2oun w houwe ma lezim yel7a2oun ella bel srami
February 3rd, 2011 at 6:56 pm
وهزي يا نواعم… جمهورية كلام بكلام هيدي
February 3rd, 2011 at 10:04 pm
قبل ممارسة السياسة التضاجعية ليس كما بعدها لان ماقبل الممارسة بكون الحدن متل القط لطيف مهذب عذب جنتل ومابعدها بيتحول لغرندايزر وهمو يخترع الكذب مشان يغادر السرير السياسي وتارك غيرو بحاجة كل شي ,,,قال شو ,,,,الحقيقة ماقبل جبال البيرينيه خطا مابعدها
February 4th, 2011 at 12:09 am
عزيزي حمص…
شكرا على اضاءتكم على جهابظة السياسة في جمهوريتنا العزيزة “يعني بدهن شي خر… خرزة ضد صيبة العين ما بدي قول لونها حتى ما يزعل حدا”
يعني لو بدنا نعذبك بس مش كتيير شي تفسير صغير عن العلاقة بين البلطجية والسياسات التضاجعية في الأنظمة الديكاكتورية
على سيرة البلطجية عندهن شي قرايب بجمهورية الحمص؟
February 16th, 2011 at 11:48 am
عزيزي حمص بس تصحيحا لمعلوماتك المطبخية التي لا تشوبها شائبة لا ملح زيادة ولا خل ولا حامض أريد أن أصحح لك فقط معلومة ما قبل وما بعد فمن يسمونه أمين عام اللي ما يتسماش في حرب 2006 هدد بما بعد بعد حيفا واليوم أصبحت كلمة بعد مقدسة ومكتشفة من نوابغ السياسيين عندنا وفي الحقيقة يضربو كلون سوا ما بقى بهالبلد حدا وطني للوطن وبس . الله يخليلنا البطرك الحكيم واللبيب الفهيم .