عطفاً على ما تتناقله وسائل الإعلام المحلية المكتوبة والمرئية والمسموعة عن خطابات الطبقة السياسية وتصريحاتهم، وخاصة عبارة “البلد يمر بفترة حرجة”، يهم أسرة التحرير في وكالة الأنباء الرسمية توضيح هذه العبارة “وانس اند فور أول” وإلى الأبد.
“البلد يمر بفترة حرجة”. ماذا تعني هذه العبارة الغبية؟ “فترة حرجة”؟! “حرجة” مثل واحد مفتوحة سحابت بنطالونو، بس ما بدك تقلو شي لأنو عم يلقي خطاب متلفز ومنقول عبر الأقمار الصناعية وأمام حشود غفيرة عن حق العودة، مثلاً؟ وما بدك تقاطعو لأنو “عيب”؟ وكم طول هذه “الفترة” على فكرة؟ كلمة “فترة” في سياق هذه العبارة تعني وقتاً قصيراً إجمالاً. ولكننا نسمع عبارة “البلد يمر بفترة حرجة” منذ فجر الإستقلال. يمكن أفضل إنه يغيرو هذه العبارة إلى “البلد حرج” أو “البلد محرج” أو “البلد حريجي”، وبلا ما نعطي فترة زمنية معينة ونصير وكأنه نحن شعب ما عندو قيمة للوقت ويصير يطلع حكي علينا… مش ناقصنا أرجوكم!
فإذا بتريدو اقلعوا عن إستعمال هذه العبارة “المخدرة” للجماهير! بليز يعني! ما هو البلد شي محرج أصلاً، ونصف الشعب محرج من النصف الآخر والعكس صحيح. حتى كلمة محرج لا تعبر عن ألشعور الحقيقي الذي يكنه الطرفين لبعضهما. ألشعور الحقيقي أقرب إلى الإشمئزاز مجبول بكراهية مذهبية، مغطاة بكريمة العنصرية الطبقية الشهية. بسكويت وايفر يعني! وبيقرش قرش كل ما إثنين اختلفوا على موقف سيارة.
ولا ينتهي المسلسل “المحرج” هنا. فقد بدأت كل طبقات المجتمع باستعمالها في الأحاديث اليومية من دون تفكير. مثلاً:
العامل: عفواً، بس ما قبضت معاشي من ثمانية أشهر؟ شو السيرة؟
رب العمل: أرجوك مش وقتها لأنه “البلد يمر بفترة حرجة”.
المريض: هيدا دوا البواسير ليه ما عمل مفعول معي؟
الصيدلي: هيدا لأنه “البلد يمر بفترة حرجة”.
الحمى: يلا، الكم سنتين مجوزين. شو ناطرين؟ ليه بعد ما جبتو ولاد؟
الصهر: ما فينا نجيب ولاد طالما “البلد يمر بفترة حرجة”.
وبإسم هذه العبارة، أجلنا إنتخابات ومددنا لرؤساء وجددنا لمجالس وابقينا ميليشيات وتطول القائمة. صراحة… ممكن إنو ما بقى عم منحس بالإحراج لأنو الشغلة أهلية بمحلية وما منستحي إدام بعضنا، مثل كأنو الواحد ماشي بالزلط ببيتو. حدا إلو معو شي؟ لأ. أبداً! بس إذا بتريد ما تطلع هيك على البالكون لأنو مننتقل من “محرج” إلى “مقرف”، وهيدي صورة بدها أكثر من “فترة” لنشيلها من راسنا… العمى ما أوقحك!
المقال البلد يمر بفترة حرجة من جمهورية الحمص, هو المرخص لها بموجب المشاع الإبداعي نسب - غير تجاري - لا اشتقاق 3.0 الاصلية الترخيص, بناء على العمل الذي Creative Commons Attribution-NonCommercial-NoDerivs 3.0 Unported License. الاذونات الخارجة عن نطاق هذا الترخيص قد تكون متاحة في www.hummusnation.net.
September 6th, 2010 at 10:09 am
September 6th, 2010 at 11:33 am
هو البلد بمر بفتره حرجه مزبوط.. بس الفتره تجدد تلقائيا.. لحد ما ربنا ياخد امانته..
و الحال نفسه بكل الدول العربيه بتفاوت درجة الحرج من بلد لآخر أو لأخرى..
September 6th, 2010 at 12:17 pm
كل فترة حرجة وانت بخير
September 6th, 2010 at 2:22 pm
هيّي “فترة” و بتمرق
بعد عمرا طويل
September 6th, 2010 at 3:32 pm
حمّص أحلى عالم صدّقني, وين كنت مخبّى كل هالسنين؟ من فترة شي أسبوع تلقيت هالسايت و الحمد لله ما عم يتسكر عم أقرأ المدونات أجمعين
يعني ما فيني قلّك الّا انك بتفش الخلق الله يفشّلك قلبك من عندو و يفشفش قلب الجميع كونو البلد عم بيمرّ بفترة حرجة:P:P و الباقي عندك
September 6th, 2010 at 6:17 pm
البلد فعلا يمر بحالة حرجة.لانو المناخ الاقليمي المناسب للجمهورية اللبنانية هوي الحرب و القواص و تسكير البلد و انتشار العناصر بالشوارع.فهالسياسيين خلصو كل خطاباتن السلمية الي كانو محضرينا,من وعود و مشاريع و اكل خرى,و هلأ صارو فعلا بحالة حرجة(و الدليل الي صار مبارح).
و ينعاد عليكن.
September 6th, 2010 at 10:01 pm
fatra 7erje? ayya fatra 7erje? ana chakhsiyyan ma 7esses bi chi… Yimkin la anno tbannajna w tamsa7 jeldna w sar chi tabi3e binnisbe elna…..
Keep up the good work Hummus, 3alehom!
September 8th, 2010 at 1:58 pm
i am loving these clarifications. I hope they become a recurrent fixture.