أثر الإشتباكات المسلحة التي وقعت عصر يوم الثلثاء في منطقة برج أبي حيدر، اصدر الحزبين اللذين ينتمي اليهما الشبان الذين اشتركوا في الإشتباكات بياناً اكدوا خلاله أن “الحادث الفردي المؤسف” الذي وقع “هو فردي ولا خلفيات سياسية أو مذهبية وراءه”. وإتفق الحزبين “على محاصرته وانهائه فورا ومنع أي ظهور مسلح بغية عودة المياه إلى مجاريها الطبيعية كما كانت”.
وإذ تهنيء وكالة الأنباء الرسمية المواطنين القاطنين في المنطقة بالنفاد بريشهم بعد هذا “الحادث المؤسف”، يهمها توضيح بعض العبارات التي وردت في البيان أعلاه في النقاط التالية وذلك منعاً للغط:
عبارة “حادث”: حادث؟ فعلاً؟ عن جد؟ ثلاثة قتلى وعدد من الجرحى يلخص بعبارة “حادث”؟ حديد بحديد يعني؟ إنو بدها خبير أو ما في لزوم؟ الهيئة ما في لزوم. حسناً، فليكن. حلو إنو بعد في عالم هيك على البركة… شو بدك… البلد بألف خير.
عبارة “فردي”: هذه عبارة واضحة جداً ولا تحمل التأويل. حادث فردي يعني واحد ضرب راسو بدرفة خزانة. أو واحد سكر باب السيارة على ايدو. هذه أمثلة عن حوادث فردية. أي أن شخصاً واحداً كان معني أو متورطاً أو مشاركاً بحادثة قد تكون مؤلمة، ولكن فردية. ولكن جبهة بأمها وأبوها فتحت في المنطقة وشارك فيها عشرات الشبان لا تقع تحت خانة الحادث “الفردي”. نرجو من القيمين على البيان العد جيداً. وإذا كانت الرياضيات ليست موطن قوة لديهم، فليستعينو بأحد أساتذة الرياضيات من رابطة الاساتذة المتفرغين. هودي ناطرين الشغل من غيمة.
عبارة “مؤسف”: عبارة مؤسف ليست معبرة فعلاً عما حصل. من المؤسف مثلاً أن يرسب تلميذ في إمتحان، أو أن إنفجار قنينة بببسي من كثرة الخض يعتبر أيضاً حادثاً مؤسفاً. ولكن أن تطلق على معارك طاحنة استعملت فيها صواريخ ب-٧ “بالمؤسف” هو المؤسف فعلاً. قد تكون عبارة “كارثة سوداء” أكثر ملاءمة وأكثر تعبيراً لوصف الحدث. أيضاً وأيضاً، الرجاء الإستعانة بأحد اساتذة اللغة العربية من رابطة الاساتذة المتفرغين للمساعدة في إيجاد بديل لهذه العبارة.
عبارة “لا خلفيات سياسية أو مذهبية وراءه”: طبعاً لا خلفيات سياسية أو مذهبية. فالمنطقة معروفة بانفتاحها على الفكر السياسي للآخر ورحابة الصدر و ألخ ألخ ألخ. والفريقين على فكرة، يموتون ببعضهم. يعني مش معقول! شو بدو يحكي الواحد. الكلمات تعجز عن التعبير.
عبارة “عودة المياه إلى مجاريها الطبيعية كما كانت”: الترجمة الواقعية لهذه العبارة هي التالية: “عودة الشبان المشتبكين إلى خلف متاريسهم وإنتظار بعضهم البعض على إي غلطة أو استفزاز مقصود أو غير مقصود ليولعو المنطقة عن بكرة أبيها ويحسبو الله ما خلقو بعضن”. هذه هي الحال “الطبيعية” كما كانت. هكذا جرت العادة، وهذه من شيمنا.
وعلى فكرة، أي مواطن أو مسؤول بيطلع وبيحكي شي عن إنعكاس هذا “الحادث الفردي والمؤسف” على حركة السياحة يعمل معروف يسدو أو ياكل خرى. يجوز الوجهان.
August 25th, 2010 at 3:04 am
هيدي كارثة ملوّنة، فيا كلّ الألوان المحسوبة عالطوايف اللبنانية الهبل
هيدي كارثة حمرا وخضرا وبيضا بلون علمنا اللي ما حدا بيحترمو بقا
هيدي كارثة لكل حدا كان بعد عندو ذرة إيمان بهالبلد
كرمال باركينغ بيروح قتلى وبتستعمل الآر بي جي
إي والله، سو هالحادث الفردي!
تصبحو على وطن
August 25th, 2010 at 6:10 am
Thank you! Fasheytelleh khel2e
August 25th, 2010 at 6:38 am
the ugly naked truth!!! well said Hummus
August 25th, 2010 at 6:46 am
ولك يسلم هالتم… أنو معقولي هالبلد، أحزاب مسلحة وشحن طائفي وما تهزو واقف عالشوار… يا خييي الحياة قصيرة ومش ناقصنا هم أو حرب أو إشتباكات. بدنا نعيش. نعيش. ( أذا بعد حدا بالهالبلد بيعرف شو يعني يعيش.
شكراً جزيلاً
August 25th, 2010 at 8:33 am
تحليل منطقي وليس مناطقي ..
تحياتي
August 25th, 2010 at 10:16 am
“وعلى فكرة، أي مواطن أو مسؤول بيطلع وبيحكي شي عن إنعكاس هذا “الحادث الفردي والمؤسف” على حركة السياحة يعمل معروف يسدو أو ياكل خرى. يجوز الوجهان.” … أنا برأيي إنو أول شي ياكل خرى ودغري وراها يسدو …
August 25th, 2010 at 10:51 am
هذا لبنان المزرعه وقطعان الطوائف التي تطوف على بعضها البعض .مش الحق عالناس الحق على زعماء الطوائف اللذين يصلون الجمعه ويصلون الأحد ويفلحون بهذاالشعب على طول الجمعه .نحن في لبنان صدقوني لن تقوم لنا قائمه طالمابقي اصحاب العمائم والقلنسوات يسوقون هذا الشعب من على منابرهم .
August 25th, 2010 at 11:49 am
All the support, keep it up please email me I can support you in pictures.
August 25th, 2010 at 12:16 pm
I had almost convinced my Italian wife to finally visit lebanon for the first time and then yesterday the bloody “parking lot” massacre comes to blow my chances away after the “Tree cutting” massacre had almost faded away…
Regards
August 25th, 2010 at 12:21 pm
موقف سيارة كاد ان ينقل البلد الى مواقف غير الله ما بشيلنا منّا
August 25th, 2010 at 12:36 pm
أحلى شي انو الجيش يتصل بالأطراف مشان يتباحث اذا يتدخل و للا لأ.. شي تسالي عالآخر
August 25th, 2010 at 1:34 pm
Excellent article, khay 7adan by3rif ytali3 bayanat sa7afeyi b lebnan, fashayteli khel2i !!!
August 25th, 2010 at 1:44 pm
awal shi estez hummus moush mazbout 2eno awal mara bissir hek bel 3alam, w moush bass bi lebnen betssir 2ossas hek. mara bel Iraq sar kamen 7adsset friendly fire, wa7ad dabet inglizi safef humvee 3a beb sakana lal amerken w ma ken ye2bal yzi7a, w sar y2oul “law btenzal el queen lahon ma bshila” . ra7lo shi 12 wa7ad bein 2ateel w jaree7, la bel ekher etdakhal mcallister w woslit la tony balir. shou 3arafak inta.
August 25th, 2010 at 1:48 pm
shoo hal 7edess el fardi el akhoo alf sh%^$#@ta elli bissaker elbalad 3a 2arba3 se3at… shi biyerfa3 elrass
exactly what i was thinking of hummus!! very well said
2oul 2alla
August 25th, 2010 at 2:03 pm
thnx 4 this i copied and pasted some of it , really no words 2 say about what is going on
(
August 25th, 2010 at 4:21 pm
من المهم ايضاًأن نعرف أن قيادة الجيش اللبناني إعتذرت عن وصوله المتأخر إلى منطقة برج ابي حيدر بسبب ارتباطه في فيديو كليب جديد لنجوى كرم
August 25th, 2010 at 4:48 pm
هيك امي قالت مبارح: يلعن ابوكم… رجعت الحرب … دخلكن ما بقا نحمل … قومو تننزل على الملجأ… حط الاخبار بلكي بيحطوا نبأ… ما عنا معلبات كافية … ما معنا مصاري كتير … مين ومين… طجت هون … رصاصة طائشة… دبار واريفي (depart & arriver)… هيدا قنص … كم قتيل …
وهيك كنت انا عم قول لامي السبعينية: ماما هيدولي اخوتنا بالوطن… ما في حرب… ما في اقسى من الحروب السايقة… ما بدا ملجأ… ما حدا عارف شي من شي … ما رح نموت من الجوع… بقدونا المصاري …. اخوة الصف الواحد… بعيدة بعيدة ما تخافي… لاحدن كب شي من الجيران…
يا جماعة الخير، ارحمونا حرام عليكم … 36 سنة بهالبلد ما شفت فين نهار حلو … فعلا يلعن ابوكم …
و رح استنجد كمان بقول أمير المؤمنين علي بن أبي طالب: الغني فى الغربه وطن .. والفقر فى الوطن غربه
مين عندو فيزا ….
August 25th, 2010 at 10:16 pm
2a7san 2arar 3imlo ma3alih 2ino wa2af rokhas al sla7 wka2ino kan fih shi wa7d min al manasib mrakhis al B 7 2aw al klishin ta3o wni3ma al 2ararat al 7akimi…
August 26th, 2010 at 7:16 am
guys ma 3erfe men wein bade ballich, awal chi good work guys with this site
2nd- r7amou la hal jeih ba2a eza tdakhal bet2oulo 3am you2af ma3 taraf dod taraf tene, w eza ma tdakhal bet2oulo ma 3am yetdakhal
3rd- hayda el balad ra7 ydallo kherben talama 3enna zo3ama metel hol w talama fi cha3eb ghabe le7e2oun, ne7na 3melnehoun w ne7na ele sem7inloun ya3emlo heik bel balad w fina, badal ma ykouno henne mwazafin 3enna serna ne7na kheddem 3endoun w3ou ya cha3eb lebnen ba2a ba3ed 3enna forsa nsali7 hal balad bas hal forsa mich be2ye la wa2et tawil bi ra2ye
Finaly nchalla bikoun ekhir 7EDIS FARDE MOU2SEF byemrou2 3layna
August 26th, 2010 at 12:32 pm
hayda 7adeth fardi 3ala janbi
August 26th, 2010 at 12:36 pm
hayda esmo 7adeth fardi 3ala janbi
August 26th, 2010 at 4:14 pm
… يعني شو كان صار لو انو هالحادث ما كان حادث و كان شي عن جد, و شو كانو عملو بالناس لو كان هالحادث “جماعي” مش فردي. ولك اذا مؤسف وهيك, كيف لو كان مش مؤسف, كم قتيل كان راح…و الحلو انو الطرفين متل السمنة عل العسل, متل الاخوة!!! و اكيد انو كلن تعلمو الدرس و عم يقولو تنذكر وما تنعاد… متل مقال زياد مرة: عم يشيعوا واحد قام راح تلاتة… اي هيدي بعد عاضرب!
August 26th, 2010 at 5:00 pm
قال شو قال؟ موقف سيارة خلق مشكل بالبلد. موقف راح ياخد البلد لمواقف رب ربك ما بطلعنا منا. ولك شو هل موقف هيدا الأخو محلوشي. موقف بعد ما وقف من 40 سنة وماشي. ولا بوقف. مستحيل. سماع قشاع. ما أنا عام قولك. خد نصيحة مني ووقف هل مسخرة وإقتنع إنو ما في شي بوقف. قبل ما يوقف يلي واقف. بس هل واقفين يوقفو يوقفوا اه سعتها بيوقف البلد.
August 26th, 2010 at 10:16 pm
ahama shi el tshowbir bil 2osba3 wel shad 3ala 7aref el sin
August 27th, 2010 at 6:49 am
كنت دائماً اتسأل أيا بوست حتسبق “الجورة الأعجوبة”… صار عندك 2
August 27th, 2010 at 8:05 am
ya3ne bass law hal mas2oulin (yalli mannoun mas2oulin) byin2ibro bye2rou shou elet barke btetfatta7 zhounoun shwey (bil ghalat)
August 27th, 2010 at 6:14 pm
ya jame3a sma3oni shway
hl2 le bdo yetfalsaf wya3mel 7aloo osa wreweyi w 2no howi fahmen bwade3 lebnen whowi mish manate2i 2nama mante2i ana b2elo howi ysed ne3oo le2an
1-lebnen balad ta2efi b2emteyez w2ento kilkon ta2efeyen 7ata law lbesto akne3a 2zan la bod ino hik mishkli tt7asar beba3d she3arat le malayna mna lasabab ino ma bdna nfot b7areb 7aleyan fa hik afdal la jame3
August 27th, 2010 at 9:57 pm
well said..
it is a shame that lebanese citizents are ready to kill over a stupid parking spot.Stop blaming our leaders because you are much worse. Lebanon will never move forward when there is so much hate
bas ya 3ayb el shoum..
August 27th, 2010 at 11:05 pm
ايه هوي اكيد حادث لانه حدث في مكان وزمان معين او مربع او ممكن مستطيل مهم انه حدث وقد حدث فعلا وهوي فرد…ي اكيد لانه بيستحوا يقولوا كلاشنكوفي او ب7ني او قذائفي فاكيد هوي فرد..ي والحمدلله منّ علينا المسؤول الذكي انه لح يوقف التراخيص نشكر الرب على أساس انه هالبلد وسلاحاتوا بدن ترخيص من حدا ومؤسف كيف لكن اكيد مؤسف انه نتهي وما حدا قبر التاني بس قبروا 3 شباب والعترة على اهلن واكيد مؤسف لانه جبرنا انه نشوف نواب ما بتتذكر انه الشعب عطاها هالصفة إلا بالمشاكل والمصايب حتى يبلشوا خطاباتن ومقابلاتن الفارغة واللي بتوجع الراس فإي ياكلوا خرى كلن ويحلوا عن تيز هالباقي من لبنان .
August 28th, 2010 at 12:16 pm
ياللي ضيعنا هوي ياللي اخد البلد 5 سنين بسبب ثأر شخصي وخلصونا من قرفكن أيها الشعب العظيم… كلن متل بعضن وماحدا فيهن حضاري ومابقى حدا يدق بالمقاومه من شان مايندق فيه وخلوها تشتغل شغلها
August 28th, 2010 at 5:33 pm
إنو حاج تحطو الحق على المسؤولين والسياسيين.. ليش الشعب ما بفكر.. يلي براسكن عقل ولا بطيخة.. صدقوني هيدا بلد البطيخ..روحو شوفو العالم وين صار.. ونحنا بعدنا منفتش على أرخص وأحسن سلاح.. حتى لما واحد تووووووووووت بدو يفكر يصف محلي إنزل وإنعل حريمو… الله يخليكون بلا فلسفة.. روحو علموا ولادكن كيف لازم يعيشوا مش كيف بتكره السني والشيعي والدرزي والمسيحي.. هيدا مش بلد العي المشترك.. هيدا بلد الدم المشترك.. و إي لازم الجيش يتدخل مش يوقف متل التوتو ما إلو خصة.. وإلا ما يجي على المنطقة من أصلوا لأنوا البنزين غالي وحرام تروحوا مصرياتكن عالفاضي.. وبعدين هلأ صار كل الشعب مقاوم وكل الشعب لازم يكون معو سلاح!! وهلأ صار فينا نصيب إسرائيل من بيروت!! يلا لحتى جيب سلاح وبلش جهاد!!! والله حرام!!
August 30th, 2010 at 6:30 am
عطفا على احداث برج ابي حيدر قرر وزير الدفاع وقف العمل بتراخيص حمل الاسلحة واليكم النتيجة:
- وقف تراخيص الصرافين
- وقف تراخيص الصيادلة
- وقف تراخيص المحامين
- وقف تراخيص المهندسين
- وقف تراخيص المؤسسات التجارية
يعني بالمختصر المفيد وقف تراخيص الناس الاوادم يلي اصلا مرخصين سلاح لانه ما بدن يخالفوا القوانين ويلي هن اصلن رخصوا سلاح ليحموا انفسهم ومؤسساتهم من ذات يلي اطلقوا النار في برج ابي حيدر….
وفهموا بقا…
August 31st, 2010 at 8:55 pm
والله برافو يا شباب هيك الرجال يا بلا تركتو اليهود ولفيتو عبعض شي بيرفع الراس بس اي راس ؟ 000 روحو لعند اللي احتلونا واستعمرونا اكتر من عشرين سنه وما خلو شي ببلدنا لا جنوب ولا شمال ولاا شرق ولا غرب ولو يا نايمين اصحوا بقا حلانا نتعلم كفاها ربنا بدنا نضل نشيد بفلان وعلان لئيمتن خلينا مع بعض ولبعض من جميع الطوائف والملل خلينا نرجع متل ايام زمان ندعس باجرنا اكبر دول العالم بدون تاشيرة جوازك اللي بيحمل الارزه اللبنانيه واسمك لبناني كان الك قيمه وترفع راسك والكل عاملك حساب هذا لبناني جنتل فهمان محترم مش متل اليوم هذا لو في خير ما بيتامر على بلدو من شان يسد قوة يومو ما بدنا صواريخ ولا ار بي جي تنفجر عنا ونقول اووووووووووووه اذا هون عملت هيك كيف مكان ما نزلت ومع الاسف هي ضلة بمحلها ما طلعت ولا نزلت – بكفي يا شعب يدخلو علينا من برا ويعلمونا القتل والدمار تاياخدو هني الاوليه بالعالم ويا ريت بتلبقلهم
حصلة امامي حادثه زمان شباب اتنين كانو بسياره شي مرتب وماشالله كل واحد بهد بايدو صخر على الرملة البيضة بتتذكرو الحاجز شكلهم ما عجبو للي واقف على الحلجز انو كيف هني اشيك منو اجمل منو اجنتل منو نزلهم من السياره ونزل فيهم بكعب البارودة واجو طبعا باقي الشباب اللي عالحاجز وما قصرو ولبسهم تهمة انو السياره مسروقه بالغصب وكان بالصدف مرور احد ظباط الامن العام من هناك وتدخل كانت ردة الفعل كول خخخخخخخخخخخ ولا شو دخلك انأبر من هون لنحطك بالدولاب واخار شي اخدو مطاليبهم الشباب وفلو حرااااااااااااااااااااااااااااام اصحو عاد
September 3rd, 2010 at 6:04 pm
hahahahahahahahhahahahahahahhahahahahhahahaha omg ths hilarious
ya zalameeeh 
September 4th, 2010 at 4:54 pm
لبنان بلدي الحبيب لا تحزان انتي القوي الله يكون معك نحنا ما بدنا ولا حزب ولا زعيم