كل ما يزيدو الفنانين والمطربين ببلد ويصير عددهن بضارب على عدد الصراصير بالكيلومتر المربع الواحد، كونوا اكيدين إنو مستوى الفن هابط. أيا هابط؟… مسح مع الأرض بكون. شفرة يعني.
بس تكتر الجمعيات الخيرية، تأكد إنو البلد ما بقى فيها خير.
كل شخص بيسترسل بالإستنكار بس يصير شي “حادث مؤسف وفردي” زيادة عن اللزوم، يعني بكون عم بقول بقلبه “خرجهن” و “بيستاهلو” و “الله يغمئلن”.
إذا المسؤلين ببلد ما، يشيدون بالوحدة الوطنية مع كل طلعة شمس، يعني شو؟ يعني ما في وحدة وطنية.
بس نائب يحكي كتير ويصرح ويطلق مكتبه الإعلامي بيانات على مدار الساعة، تأكد إنو هيدا ما عندو شي يقولو.
بس يكتر الحكي عن “مسيرة السلم الأهلي” (يلي مش عم تعرف توصل) وعن حمايتها، يعني في شي إثنين من مذاهب مختلفة بدن يتقبرو قريباً.
كل ما يسهب وزير ما بالتحذير من الفتنة صبحاً ظهراً ومساءً، فيك تكون ١٠٠% أكيد إنو هو يلي عم بربيها وبرضعها للفتنة.
بس يصرح شي زعيم ويقول إنو القانون فوق الجميع، يعني ممكن الجزم إنو مش رح يكون القانون فوق جماعتو.
وإستطرداً، شي مرة قرأت شو مكتوب على هرم البونجوس؟ مكتوب “عصير على طعم الأناناس”. حزرتو؟ يعني ما في أناناس. إيه عفاكن!
المقال البونجوس ولكن… من جمهورية الحمص, هو المرخص لها بموجب المشاع الإبداعي نسب - غير تجاري - لا اشتقاق 3.0 الاصلية الترخيص, بناء على العمل الذي Creative Commons Attribution-NonCommercial-NoDerivs 3.0 Unported License. الاذونات الخارجة عن نطاق هذا الترخيص قد تكون متاحة في www.hummusnation.net.
August 30th, 2010 at 7:39 am
2e5wet ma7777777777777777777777rousheh
August 30th, 2010 at 9:30 am
غابة, ضاعت فيها الحقائق , غابة تعيش على الشائعات ومواضيع الانشاء.
طول ما عندك, وزير زراعة بدل ما بيحكي زراعة وبقر والبان واجبان بيحكي عن محكمة وسلم اهلي ومؤامرة غربية, وطول ما عندك وزير طاقة بدل ما يحكي بال كيلوواط والفولت وشي بينفع بيحكي حكي طائفي. ووزير اقتصاد مل بيجيب سيرة الاقتصاد. رح تبقى غابة وبيئة حاضنة للفساد . فساد مغلغل للعضم .
corruption 3amil genetic mutation
August 30th, 2010 at 9:49 am
إيه..
ما هوّي لمّا يكون “على طعم…” بِكون أطيب بكتير!
August 30th, 2010 at 10:28 am
haydi bitkoun 2ananas 3a manga
August 30th, 2010 at 2:06 pm
اطيب شي البونجوس مع كعك واسمع تصاريح السياسين عالتلفزيون …..
August 30th, 2010 at 11:22 pm
فينا نعمل ربط بين السياسة والفن او مؤامرة بين الاصوات الحميرية والاصوات الحكومية تحت مسمى إذا كتر الفن بصير قليل النق والهأ .ممكن …بعدين دخيلك شو بيفرق صوت الصرير والصرصير عن صوت الفنانة عبير (فنانة تحت الاختبار)اكيد متل الفرق بن الكهربا والشمعة يعني متل الأمل بالوحدة الوطنية والوحدةالسكسية
حماصنة بيفرجها ربنا
August 31st, 2010 at 2:10 am
Love it